Bul týraly jolaýshylar kóligi jáne avtomobıl joldary bóliminiń basshysy Serikqalı Jumanov jáne "Smart Concept" JSHS basshysy Qýat Aqanuly baspasóz máslıhatynda málimdedi.
Jobanyń pılottyq nusqasy 25 qyrkúıekten bastap №5 avtobýsta engizilgen bolatyn. Jol júrý aqysyn kólik kartasy nemese mobıldi qosymsha arqyly tóleýge bolady.
Erteńnen bastap basqa baǵyttarda stasıonarlyq valıdatorlardy ornatý bastalady. Búgingi kúni 328 valıdator satyp satyp alynǵan. 3 jeltoqsannan bastap júıe barlyq baǵyttarda jumys isteıdi dep boljanýda. Jol júrý kartasyn kondýktordan nemese myna ortalyqtardan satyp alýǵa bolady:
- "Mereke" SÚ-343 kvartal;
- "Jańa Semeı" SÚ (Jańa qurylys);
- "Tamasha" SÚ ( Sh. Ýálıhanov k-si, 147);
- "Erkejan" SÚ.
Avtobys chat-bot kólik kartasynyń balansyn tekserý telegram kanaly arqyly kórýge bolady (https://t.me/AvtobusPassengerBot). Kartanyń teńgerimin kez kelgen tólem termınalynda kartanyń artqy jaǵynda kórsetilgen kólik kartasynyń nómiri boıynsha toltyrýǵa bolady.
Aǵymdaǵy jyldyń 25 qyrkúıeginde № 5 (7 kólik birligi) marshrýtta jolaqysyn tóleýdiń elektrondyq júıesi pılottyq rejımde iske qosyldy.
- Búgingi tańda 488 kólik kartasy iske asyryldy. Mobıldi qosymshanyń teńgeriminen 1746 ret tólem tólendi, - dedi Serikqalı Jumanov.
Qala turǵyndarynyń suraqtary men usynystaryn "Smart Concept" JSHS Call-ortalyǵy myna baılanys nómeri boıynsha 8 72 22 52-01-43 saǵat 09.00-18.30, dúısenbi-senbige deıin qabyldaıdy.
